KAPAG NALAMAN MO RIN…
Isusumpa mo rin ako
Sa bato, itataga mo
Bawat pagkamuhi’t galit
Na pilit mo’y iwawaglit
At mahirap ikukubli
Pag-ibig, balikan muli.
Tulad din nang mga nauna
Pusong uhaw, pinaasa
Nangako na maging tapat
Subalit ito’y di sapat
Sa pag-ibig ko’y bigay
Sa’yo lamang, tanging alay.
Isusumpa mo rin ako
Damdaming di magbabago
Ang lihim ko’y di dahilan
Na tayong dalawa lamang
Tulad sa dating pag-ibig
Sinta, ika’y iniibig!
Like this:
Like Loading...
Related
~ by reymos on September 19, 2019.
Posted in My Academic Life, My Hobbies and Interests, My Philippine Culture
Tags: Buwan ng Wika, filipino blogger, kultura, literary, pag-ibig, panitikan, philippines, pinoy blogger, poem, poetry, reymos, sining, tula
