Loto: My first short story (Tagalog/Filipino version)

IKA-14 NA TAGPO: IKA-15 Disyembre, Biyernes. Madalas si Nena ang huling umaalis at nagsasara ng opisina. Ngunit sa araw na ito, siya’y nagmamadaling bumaba ng gusali. Hinahabol niya ang huling elevator at nakipagsiksikan sa ibang manggagawa para maiwasang gumamit ng fire exit sa 6^th floor.

Habang naghihintay ng jeep sa kahabaan ng Shaw Boulevard, biglang tumunog and kanyang cell phone. Alam niya agad kung sino ang tumawag dahil sa ringing tone nito.

“Hello!” ang bilis niyang sagot. “Sorry kasi nagpasahod pa ako sa mga empleyado, kaya di ako nakatawag ulit. O sige, i-text mo ang numero para di ko makalimutan. See you bye!”

Si Ruben, ang kanyang asawa ang tumawag at nag-aabang din ng masasakyan sa Quiapo.

Sa hindi inaasahang pangyayari, naholdap ang isang pampasaherong Fx taxi, lulan ang pitong pasahero at kasama si Nena. Nakuha rin ang cell phone ni Nena at hindi nya nabasa ang text ni Ruben banggit ang anim na numero.

Bumaba ang tatlong holdaper sa Fx. Ang isa sa mga ito ay hawak ang cell phone at dali-daling tinatanggal ang sim card. Agad-agad tinapon ang sim sa pagbaba ng Fx sa kanto.

ITUTULOY…Abangan at sundan sa SINING @ KULTURA